Mañan, eclipse solar.

O venres 20, pouco despois das nove da mañá na península Ibérica, e se o tempo o permite empezará un eclipse que será visible dende toda Europa.

 A lúa nova cruzará por diante do Sol ocultando pouco a pouco o disco da estrela: unha eclipse solar. Uns miles de persoas en dous arquipélagos do Atlántico Norte (as illas Feroe e as Svalbard) terán o privilexio de ver o Sol negro, a estrela completamente tapada pola Lúa, durante case tres minutos na mellor posición. Pero serán millóns os que, en toda Europa, Norte de África, Oeste e Norte de Asia e Oriente Próximo (e en América só nun extremo de Terra Nova), terán a oportunidade de presenciar unha eclipse parcial, coa estrela do Sistema Solar máis ou menos tapada polo satélite natural da Terra. No continente non se observará outro ata 2026.